La societad CVC Capital Partners haja vendì sia cumpart da 23,8% a la firma tudestga Freenet, communitgescha Sunrise. Freenet haja pajà radund 782 milliuns francs. Ils Tudestgs survegnan cunquai dus sezs en il cussegl d'administraziun da la Sunrise.
5 onns èn avunda
Suenter in engaschi da 5 onns dat la CVC Capital Partners enavant Sunrise, in onn suenter avair manà il concern da telecommunicaziun svizzer a la bursa. L’emna passada aveva l’investider da finanzas gia annunzià da vulair retrair ses commembers dal cussegl d’administraziun da Sunrise.
Freenet ha paisa
La firma Freenet è tenor atgnas indicaziuns il pli grond purschider da servetschs da telecommunicaziun en Germania che lavura independent da la rait.
RR Novitads 07:00