Siglir tar il cuntegn

Header

video
WEKO refusa dumonda da Sion
Or da Sport-Clip dals 11.06.2020.
laschar ir
cuntegn

Super e Challenge League WEKO refusa dumonda dal FC Sion

La decisiun da la Swiss Football League da cuntinuar cun ils campiunadis da ballape en la Super League ed en la Challange League na cuntrafa betg a la lescha da cartel. La cumissiun da concurrenza WEKO n'ha betg dà suatientscha a la dumonda dal FC Sion da scumandar da cuntinuar cun ils campiunadis e d'avrir ina investigaziun davart il dretg da cartel. La WEKO na renconuscha nagina violaziun dal dretg da la Swiss Football League, perquai che quella n'haja betg prendì la decisiun da cuntinuar cun ils campiunadis per uschia impedir tscherts clubs en la concurrenza.

17 da 20 clubs da la Swiss Football League avevan ils 29 da matg vuschà per reprender ils campiunadis ils 19 da zercladur. Il FC Sion era in da quels trais clubs ch'aveva vuschà cunter la cuntinuaziun dals campiunadis. Quella decisiun n'è dentant betg stada suenter il gust dal president dal club vallesan, Christian Constantin. El è perquai sa drizzà a la WEKO.

RTR novitads 15:00

Artitgels legids il pli savens

Ir a sanester Ir a dretg