Surpassar da vart dretga - Betg adina vegn il permiss davent
Betg pli quintar cun ina retratga da permiss ston quels e quellas, che surpassan sin l'autostrada da vart dretga. Almain betg en mintga cas. Il Tribunal federal mida sia pratica.
Per l'emprima giada ha il Tribunal federal a Losanna applitgà questa midada che vala dapi quest onn. Uschia tar in manischunz ch'ha surpassà da vart dretga. El n'haja periclità nagin e perquai betg stuì dar giu ses permiss, dentant stuì pajar ina multa da 250 francs.
Fin uss han ins stuì quintar cun ina retratga dal permiss per almain trais mais, cun surpassar da vart dretga. Scumandà resta ina tala manevra dentant vinavant.