Suenter che la UBS ha surpiglià la Credit Suisse vegnan pliras filialas da las duas bancas messas ensemen. Quai saja il cas en 85 lieus nua che duas filialas stettian gist in sper l’auter, ha ditg la UBS sin dumonda da «CH Media». I sa tractia da projects da pilot.
En l'avrigl duai cumenzar cun las serradas. Quant ditg che quest process duaja cuzzar, n’ha la banca gronda dentant betg tradì. Probabel vegnia il process ad esser terminà en il decurs da l’auter onn.
Fasa da pilot
A partir da l'avrigl cumenza l'UBS cun «filialas cumbinadas» en tschintg lieus – numnadamain a Mendrisio (Tessin), Delémont (Giura), Grenchen (Solothurn) ed a Rheinfelden e Frick (Argovia). En quellas filialas veglian ins rimnar experientschas. Sin basa da quai duain la fin da la stad 2024 vegnir consultads ulteriurs lieus.
Or da l'archiv