Siglir tar il cuntegn

Svizra Surpigliada da Syngenta in pass enavant

Il plan da surpigliar il concern d'agrochemia svizzer Syngentam, ch'il concern statal chinais ChemChina ha, è in pass enavant.

Logo da la firma Syngenta.
Legenda: Fusiun da Syngenta e ChemChina è bainprest pronta. Keystone

La decisiun positiva da las autoritads americanas saja in pass impurtant per vegnir a fin cun la transcaziun. Quai ha Syngenta communitgà. Ils Americans han approvà la fusiun cun cundiziuns, uschia sto il concern sa separar en ils Stadis Unids da l'America da trais fatschentas da pestizids.

A l'entschatta han ils dus concerns gia l'onn passà vulì serrar gì la fusiun. ChemChina ha gia sis giadas prolungà lur offerta publica d'acquist. Da nova vala l'offerta da cumpra fin ils 28 d'avril 2017.

Per realisar la fusiun mancan a Syngenta e ChemChina uss anc l'approvaziun da las autoritads da l'UE e da la China. Era da la Brasilia, da l'India e dal Mexico vegn anc spetga sin ina resposta. Detg gea a la fusiun han fin ussa 14 uffizis da surveglianza.

RR novitads 09:00