Dapli senn da responsabladad e veglia da cooperar - quai pretenda il Cusseglier federal partent Ueli Maurer da sia partida – la Partida Populara Svizra. Els restian per part anc en l'opposiziun, ha el ditg en ina intervista cun la NZZ.
Surpigliar responsabladad
Betg tuts hajan chapì ch'ins stoppia surpigliar responsabladad sco pli gronda partida. I dettia dentant era temas nua ch'ins na dastgia betg midar posiziun, per exempel tar l'Uniun Europeica. Dentant dettia era temas nua che la PPS na duai betg persequitar il maximum, mabain ensemen cun auters il optimum, ha el ditg vinavant.
El pretenda dapli pragmatissem. La partida dovria per il futur in nov narativ positiv. Sch'ins dettia adina mo alarm, perdian ins l'effect.