Siglir tar il cuntegn

Header

cuntegn

Svizra Surstà da la dimensiun, ma betg da la decisiun

La Societad svizra dals impressaris (SBV) è surstada da las dimensiuns da l’affera da cartel en l’Engiadina. Il president dal SBV, Gian-Luca Lardi, ha prendì enconuschientscha da la situaziun. Dentant saja uss da spetgar giu ils detagls. La decisiun da la WEKO n’haja anc betg vigur legala.

En il rom da presesidas organisadas da l'uniun d'impressaris grischuns han tenor la WEKO divers impressaris fatg giu pretschs tranter il 1997 ed il 2008 per projects da fabrica. I vegn schazegià che quai sajan tranter 350 e 400 projects ch'èn pertutgads, ed il donn 100 milliuns francs.

audio
Mezdi: Gian Luca Lardi è surstà da la dimensiun dal cartel
ord Actualitad dals 01.05.2018.
laschar ir. Durada: 2 minutas 39 Secundas.

Dimensiun betg spetgada

In cartel d'ina dimensiun ch'era Gian-Luca Lardi, il president da l'uniun dals impressaris svizzers, n'ha betg fatg quint. Quai era sch'el saveva ch'i vegn ad ina sentenzia. Il SBV ed la Societad grischuna dals impressaris constructurs hajan gì contact en chaussa gia dapi intgins onns. Da talas sesidas n'haja el dentant nagina enconuschientscha.

Tenor la WEKO è l'uniun d'impressaris grischuns cleramain stada involvida en las cunvegnas. La Societad grischuna dals impressaris refusa las renfatschas e fin ch'ils detagls èn sin maisa na vul il schef dals impressaris svizzers Gian-Luca Lardi betg prender posiziun. Organisar sesidas tutga tar la lezia da la societad. Sch'i dettia dentant cunvegnas da pretschs tar talas sesidas, sche lura saja quai illegal. Però per pudair giuditgar la situaziun stoppian ins spetgar sin ils detagls. Per il mument è pled encunter pled.

Nagina funcziun da controlla a basa naziunala

Mintga societad, pia ils impressaris grischuns ed ils impressaris svizzers, agescha autonom uschè Gian-Luca Lardi. Cun quai n'haja la SBV era betg ina funcziun da controlla. Dentant veglian ins guardar sche las diversas uniuns hajan adattà las leschas als midaments ch'i ha dà ils ultims onns.

Sancziuns encunter la Societad grischuna dals impressaris constructurs n'èn previsas naginas. Dentant pudess quai sa midar tut tenor co la situaziun sa sviluppescha.

RR actualitad 12:00

Artitgels legids il pli savens