Siglir tar il cuntegn

Header

cuntegn

Svizra Surtut aspects negativs davart Muslims vegnan en las medias

Las medias svizras rapportan surtut davart radicalisaziun u terrorissem en connex cun Muslims. A pled na vegnan els dentant bunamain mai.

Ils Muslims vegnan darar a pled en las medias, dentant vegn savens rapportà dad els, il pli savens cun il focus da radicalisaziun e terrorissem. Quai resulta d'in studi da la cumissiun cunter rassissem. Il studi ha examinà co las gasettas stampadas ed online van enturn cun la minoritad dal Muslims.

I sa mussa ch'ils rapports ch'augmentan la distanza envers Muslims èn creschids da 22% il 2009 sin actualmain 69%. Temas sco integraziun gartegiada u il mintgadi da Muslims sajan marginals cun mintgamai 2%.

Pauschalisaziuns e persunas che polariseschan

L'autur dal studi, Patrik Ettinger, declera ch'i saja problematic, sche las infurmaziuns en las medias sajan colliadas cun pauschalisaziuns. Fitg savens sajan ils Muslims be object dals rapports medials, senza ch'els vegnian sez a pled. E da quels paucs che vegnian a pled, sajan ils blers persunas che polariseschian sco represchentants dal Cussegl central islamic svizzer.

La cumissiun cunter rassissem appellescha perquai er a la rolla che medias pon avair per cumbatter discriminaziun.

RR novitads 14:00

Artitgels legids il pli savens