Il survegliader da pretschs ha uss publitgà ses rapport cun retschertgas davart ils gudogns che ils detaglists fan cun products da bio. I dettia bler dumondas avertas. Ina cumpariziun cun l'exteriur sugerescha dentant ch'ils pretschs da bio sajan memia auts.
Uschia fetschian ils detaglists memia bler daners cun ils products da bio, quai di er la protecziun da consuments envers SRF. Ils products da bio vegnian uschia nunnecessariamain chars.
Plinavant ha il survegliader remartgà, che las interpresas hajan refusà da voluntarmain limitar lur marschas, uschè ditg che products da bio sajan dapli che 20% pli chars ch'ils products ordinaris correspundents. Perquai che bleras dumondas restan avertas, vul il survegliader da pretschs vinavant rimnar infurmaziuns e publitgar quellas en rapports sequents.
Migros e Coop dian ch'ins na possia betg tschantschar d'in monopol en il commerzi da detagl en Svizra. Ellas dian ch'ellas hajan ensemen in part dal martgà da 70%, e betg 80% sco il SECO ha chattà. Plinavant sajan ellas sut squitsch dal turissem da cumpra en pajais vischinants.
