Svizra - Suspect da cunvegnas en la branscha d’electro a Genevra
Pervi dal suspect da cunvegnas da pretschs investighescha la cumissiun da concurrenza WEKO cunter pliras interpresas generalas da la branscha d’electro en la regiun da Genevra.
Tar pliras da las interpresas suspectadas hajan els fatgas perquisiziuns dals biros, scriva la WEKO. Els hajan indizis ch’interpresas activas en la branscha d’installaziun e dal mantegniment electric sajan sa cunvegnidas davart pretschs. Pertutgadas èn tenor la WEKO tant submissiuns uffizialas sco era projects privats.
