Siglir tar il cuntegn

Header

cuntegn

Suspect da terror Polizia perquirescha 11 abitaziuns

En ils chantuns Turitg, Berna e Schaffusa han las autoritads da persecuziun penala e la procuratura per giuvenils perquirì il mardi dal medem temp 11 abitaziuns pervi da suspect da terror. Tenor la Procura publica federala sa tractia d'in'operaziun coordinada.

La Procura publica federala maina actualmain sis proceduras penalas cunter sis persunas creschidas. Quellas persunas en mira vegnan suspectadas d'avair cuntrafatg a la lescha federala davart il scumond da gruppaziuns terroristicas sco Al-Kaida e Stadi Islamic SI. Plinavant d'avair sustegnì u d'esser participadas vi d'organisaziuns criminalas. Ina da questas persunas vala sco persuna returnada dal SI ch'è gia vegnì sentenziada en Svizra pervi d'avair cuntrafatg cunter la lescha dal SI.

Tschintg minorens suspectads

Colliadas cun las proceduras da la Procura publica federala èn er proceduras da las procuras per giuvenils da Winterthur e Berna. En total datti proceduras cunter tschintg minorens. Quatter dad els, tranter 15 e 17 onns, abiteschan en il chantun Turitg ed ina persuna en il chantun Berna.

video
Wie gefährlich sind die IS-Rückkehrer?
Or da Club dals 05.03.2019.
laschar ir. Durada: 1 minuta 15 Secundas.

RR novitads 12:00

Artitgels legids il pli savens