En l'emprima mesadad dal matg ha la polizia lucernaisa fatg 26 perquisiziuns da chasa. Encunter 23 umens ha la procura publica uss cumenzà ina procedura penala. Ad els vegn renfatschà da posseder pornografia d'uffants.
Durant las perquisiziuns ha la polizia lucernaisa confiscà passa 300 computers e discs diras. D'analisar quellas vegn a cuzzar plirs mais. Avert èsi er anc sch'ils suspectads han er producì cuntegn pornografic d'uffants sez. Ils umens na tutgian dentant betg ad in circul organisà criminal, di la Polizia chantunala. Els ston quintar cun chastis da detenziun da fin trais onns e multas en cas d'ina sentenzia da culpaivladad.
audio
Per tadlar: las novitads da las 09:00
ord RTR Audio dals 30.05.2023.
laschar ir. Durada: 2 minutas 59 Secundas.