Suspendì aczia da Sika dal martgà

L'aczia da da la Sika è suspendida dal martgà fin la fin da la radunanza generala. La gestiunadra da la bursa SIX Swiss Exchange ha decretà la suspensiun da l'aczia sin dumonda da l'interpresa. Quai ha communitgà SIX. Avert è sche las aczias vegnan anc martgadadas oz.

bajetg da beton ed il logo da Sika, triangul cotschen cun scrit Sika sin fund mellen Bild in Lightbox öffnen.

Legenda da maletgs: La radunanza generala da la Sika ha cumenzà. Las aczias èn suspendidas dal martgà fin che la radunanza è a fin. Keystone

La radunanza generala cumenza a las duas e sco experts quintan vegn quella a durar pliras uras. Il motiv è la dispita tranter ils ertavels dal fundatur da la fatschenta ed il cussegl administrativ, che sa dosta cunter ina vendita da la cumpart da la famiglia a la concurrenza franzosa Saint-Gobin.

Las aczias han pattì gia la damaun sut la retegnientscha dals investiders malgrà che las cifras dal quartal han surpassà las spetgas.

RR novitads 11:30