Suenter il Cussegl dals chantuns e cunter sia atgna cumissiun ha oz era il Cussegl naziunal decidì da dar suatientscha a duas iniziativas dals chantuns Zug ed Uri. Finamira da quellas èsi da dar als chantuns dapli libertad tar la procedura d’elecziun da represchentants en il parlament chantunal sco era en il Parlament federal.
Ils chantuns duain pudair far quai tenor il maiorz, il proporz ni era tenor ina maschaida da quels dus. Ultra da quai duain els era esser libers co els furman ils cirquits d’elecziun e sch’els vulan decider excepziuns per proteger minoritads regiunalas.
Il Tribunal federal aveva precisà adina pli fitg ils criteris ils ultims onns. Quai en connex cun l’egualitad dal dretg da vuschar.
RR actualitad 12:00