Chasas edituras survegnan sustegn finanzial da la Confederaziun. Cun 7,5 milliuns francs sustegna l’Uffizi federal da cultura 94 chasas edituras. Tenor la communicaziun duain quels daners rinforzar la rolla da las chasas edituras en la cuntrada culturala svizra.
Dals manaschis sustegnids sa chattan 57 en la Svizra tudestga, 31 en la Svizra franzosa e 6 en la Svizra taliana. Il sustegn vala per ils proxims quatter onns e sa basa sin la promoziun da chasas edituras en il rom da la missiva da cultura da la Confederaziun.
Premi Term Bel sut circumstanzas spezialas
L'emna passada ha il Premi Term Bel pudì vegnir surdà en in rom in zic auter che disà. Ils Dis da litteratura a Domat n'han numnadamain betg gì lieu, pervi dal coronavirus.
RTR ha lantschà quest'emna in nov podcast litterar «Peda per prosa». Ils emprims sis tocs èn gia online.
