Siglir tar il cuntegn
Inhalt

Svizra Sustegn per Comité internaziunal dal a Crusch Cotschna

La Svizra sustegna il Comité internaziunal da la Crusch Cotschna IKRK in ulteriur onn cun 80 milliuns francs. Sco il Departament federal d'affars exteriurs EDA ha communitgà servia ils daners surtut per coordinar la lavur.

L'IKRK en acziun en Siria.
Legenda: L'IKRK en acziun en Siria. Keystone

En cumparegliaziun cun l’onn avant è la cumpart per operaziuns umanitaras specificas vegnida auzada per radund 7 milliuns francs da 55,3 milliuns francs sin 62,5 milliuns francs.

Ina da las sulettas organisaziuns umanitaras renconuschida da tuts

L’IKRK saja ina da las sulettas organisaziun che vegnia respectada da quasi tut las partidas da conflict sin l’entir mund, scriva l’EDA. Adina dapli persunas èn pertutgadas da conflicts armads e da crisas cumplexas. Uschia ha l’IKRK gidà l’onn passà a 950’000 persunas cun nutriment, a 100’000 persunas è vegni giada cun aua schubra. En la regiun siriana da la citad d’Aleppo èn cun l’agid da l’IKRK vegnidas evacuadas radund 35’000 persunas.

RR novitads 12:00