Il Cussegl dals chantuns ha approvà il budget per l'auter onn senza grondas discussiuns cun 39:4 vuschs. Uss va la fatschenta puspè enavos al Cussegl naziunal. Quel aveva renvià el l'emna passada suenter ina debatta da 7 uras.
En in punct decisiv è il Cussegl dals chantuns gia vegnì encunter. El ha augmentà la proposta dal Cussegl federal per pajaments directs en l'agricultura per 62 milliuns francs.
Per las universitads, ETH, scolas autas professiunalas ed instituts da perscrutaziun vul il Cussegl dals chantuns impunder 74 milliuns dapli ch'il Cussegl federal.