Siglir tar il cuntegn

Header

cuntegn

Svizra Sustegn per il latg – Cussegl naziunal vul puspè contingents

Il Cussegl naziunal ha prendì encunter trais iniziativas dal chantun per puspè reglar il martgà da latg sur las quantitads. Quai rapporta l’agentura da novitads SDA.

Il Cussegl naziunal ha prendì encunter trais iniziativas dal chantun ch’il Cussegl dals chantuns n’aveva betg acceptà. Las trais iniziativas dals chantuns Friburg, Genevra e Giura pretendan mesiras per sustegnair il martgà da latg cun stabilisar ils pretschs da latg.

La maioritad da la cumissiun d’economia era però da l’avis che questas mesiras na mainian betg a la finamira. Quai han er conce ils aderents da las iniziativas enturn il cusseglier naziunal Toni Brunner (PPS/SG): Ins veglia metter in signal per la branscha che cumbattia en in martgà difficil.

Uss ha da sa fatschentar il Cussegl dals chantuns puspè cun ils contingents da latg.

Ils contingents da latg eran vegnids abolids per il prim da matg 2009. Cun diriger il quantum da latg duai vegnir auzà il pretsch dal latg.

RR novitads 11:00+

Artitgels legids il pli savens