Il gudogn è resultà cun garantir emprests per interpresas d'aviatica sco la Swiss e per firmas che porschan servetschs en connex cun l'aviatica, tut en tut 1,875 milliardas francs. Fin la fin d'avust 2021 ha la Confederaziun incassà cun ses engaschament 32 milliuns francs.
Sin emprests duvrads han las firmas gì da pajar tschains. E per la pusseivladad da pudair retrair emprests esi er stà da pajar ina taxa – tuttina tar conclusiuns d'in accord. Da quellas entradas survegn la Confederaziun ina part. Nizzegià l'engaschi federal han tranter auter las societads aviaticas Swiss ed Edelweiss. Quellas firmas han pajà enavos il credit garantì l'entschatta dal zercladur.