Siglir tar il cuntegn

Header

cuntegn

Svizra Sustegn per l’hotellaria: Parlament prolunghescha taxa speziala

L’hotellaria ha da pajar er ils proxims diesch onns ina taxa speziala – pli bassa – sin la plivalur. Quai ha decidì il Cussegl naziunal la mesemna avantmezdi. Uschia segua el al Cussegl dals chantuns e l’affar è reglà.

La taxa speziala per l’hotellaria datti dapi il 1996: Lura era vegnida sbassada la taglia sin la plivalur da 8% sin 3,8%. Tras quest sbassament van a perder a la Confederaziun radund 200 milliuns francs ad onn.

audio
Mezdi: Parlament decida vinavant taxa speziala per hotellaria
ord Actualitad dals 31.05.2017.
laschar ir. Durada: 1 minuta 8 Secundas.

Quai ch’era pensà ina giada sco sustegn intermediar per ina branscha en crisa è s’etablì: Il parlament ha gia prolungà tschintg giadas la taxa speziala.

Il levgiament fiscal saja impurtant er vinavant, cun quai che la situaziun da blers hoteliers saja difficila, ha ditg la maioritad dals parlamentaris. Surtut er en la regiun da muntogna hajan blers hotels ina situaziun greva.

RR novitads 12:00

Artitgels legids il pli savens