Siglir tar il cuntegn
cuntegn

Svizra Sustegnì 175 projects

La Chadaina da fortuna a sustegnì l'onn passà 175 projects ed impundì per quai passa 46 milliuns francs. Ina pulita part dals daners han las organisaziuns d'agid che lavuran ensemen cun la Chadaina da fortuna duvrà surtut per ils fugitivs sirians e per ulteriurs carstgauns en fugia.

schef da la banca chantunala sesa avant ses telefon, speras è Barbara Janom Steiner
Legenda: Alois Vinzens da la BCG e Barbara Janom Steiner durant l'acziun da rimnar daners per Nepal RTR

L'onn 2014 haja la populaziun svizra fatg donaziuns per umans en miseria da passa 22 milliuns francs sco la Chadaina da fortuna scriva en ses rapport annual.

Per las unfrendas dals conflicts en il Proxim orient han las Svizras ed ils Svizzers dà radund 5 milliuns francs.

Analisa d'effect

Vias novas è la Chadaina da fortuna ida l'onn passà cun in'analisa d'effect da ses projects, 10 onns suenter la catastrofa da Tsunami en l'Ocean indic. Ils experts che han survegnì l'incumbensa per l'analisa dattan in bun attestat a l'organisaziun. Ils pli blers carstgauns che hajan survegnì agid cun daners svizzers hajan puspè ina sumeglianta qualitad da viver sco avant la catastrofa.

RR novitads 14:00