A disposiziun stattan tranter 180'000 e 200'000 plazs da canorta per uffants. Quellas cifras ha la Conferenza da las directuras e dals directurs chantunals dals affars socials publitgà dumengia en in rapport.
Tgira da las canortas en il focus
La tgira d'uffants en canortas saja ils davos onns daventà in relevant tema. Ed ins haja ils davos onns era pudì augmentar il dumber da plazs en canortas. Sco proxim stettia uss cunzunt la dumonda da la qualitad da la tgira en las canortas en il focus, hai num en ina communicaziun. Tranter auter dependia quella da la scolaziun dal persunal; dentant era dals concepts pedagogics e la realisaziun da quels.
Bain fetschian gia uss tut ils chantuns prescripziuns a las canortas. Dentant dettia differents concepts per controllar sche quellas vegnan tegnidas en.
Ils proxims mais vul la Conferenza da directurs chantunals dals affars socials examinar quant fitg che standards minimals pon meglierar la situaziun.
Ord l'archiv
Dar l'uffant en ina canorta – quai dovra fidanza. Las canortas «Globegarden» han gì la fidanza da blers geniturs: 2'600 uffants van en ina da las filialas da «Globegarden» a Turitg, Son Gagl, Basilea ni Berna.
