En l’emprim scrutini n'è vegnì elegì nagin successur per Hans Wicki da la PLD. Il meglier resultat ha cuntanschì il candidat da la PCD Josef Niederberger. Tar in pli absolut da 10’083 vuschs ha Niederberger survegnì 6’050 vuschs, quai èn exact 30%.
Sin plazza dus suonda il candidat da la PPS Walter Odermatt, cun 5’394 vuschs. Uschia vegni difficil per la PLD da defender ses sez en la regenza. Ses candidat Sepp Durrer ha fatg 4’341 vuschs. Sin plazza 4 arriva il Verd Conrad Wagner cun 3’944 vuschs.
La participaziun a quest’elecziun en la Sutsilvania munta a 69,01%. Il segund scrutini è ils 10 d’avrigl. Fin d’annunzia è il venderdi che vegn.
RR Novitads 15:00