Svizra - Sutsilvania vul metter in segn tar la gulivaziun da finanzas
Il referendum dal chantun Sutsilvania cunter la decisiun dal parlament pertutgant la gulivaziun da finanzas è tant sco segir. La regenza dal chantun ha elavurà il referendum ed il parlament ha gia dà d'entellir ch'el sustegnia quel.
Tenor il referendum ston ils chantuns ritgs pajar memia bler en la gulivaziun da finanzas. Il zercladur aveva il parlament federal decis da reducir las contribuziuns dals chantuns ritgs per 67 milliuns francs ils proxims 4 onns. La Sutsilvania ed auters chantuns avevan quintà cun ina reducziun da 134 milliuns.
