Siglir tar il cuntegn

Header

Navigaziun

Placat da l’iniziativa «Per ina democrazia segira e degna da confidenza».
Legenda: Ils iniziants han cumenzà a rimnar suttascripziuns per lur iniziativa che vul scumandar l’e-voting. Keystone
cuntegn

Svizra Suttascripziuns cunter l’e-voting

Vuschar a moda electronica duai vegnir scumandà en Svizra. Quai pretenda in comité independent cun ina iniziativa populara.

L'iniziativa «Per ina democrazia segira e degna da confidenza» è vegnida lantschada oz a Lucerna. Quella pretenda ch’il vuschar a moda electronica vegnia scumandà fin ch’el saja almain uschè segir cunter manipulaziuns sco la votaziun tradiziunala a l’urna.

Nagin niz

Plinavant n’hajan ils projects dad e-voting nagins avantatgs concrets. Grazia ad els na saja ni la participaziun a l’urna pli gronda ni na daventia la moda da vuschar pli simpla. L’e-voting saja plitost in grond privel per la democrazia directa. El donnegia la confidenza en ils sistems d’elecziuns e da votaziuns.

Ils iniziants han a partir dad oz 18 mais temp per rimnar las 100'000 suttascripziuns necessarias.

RR novitads 14:00