L'onn passà ha l'Institut svizzer d'assicuranza d'accidents intercurì 2'839 cas da maldiever supponids. La Suva haja uschia pudì spargnar radund 21 milliuns francs – tar 686 cas da fraud confirmads, hai num en ina communicaziun.
S'augmentads èn ils delicts da concurs. Tar quels vegna lavurà cun interpresas secundaras e defraudà sistematicamain contribuziuns d'assicuranza. La SUVA ha introducì il post per intercurir maldiever il 2007, ed ha fin ussa pudì spargnar uschia passa 215 milliuns francs.
