L’assicuranza d'accidents svizra SUVA ha fatg in minus da 21 milliuns francs il 2015. La raschun per quest resultat negativ sajan pajaments da 48 milliuns ord las reservas ch’ins haja fatg per tegnair a bass las premias e las contribuziuns da las fatschentas, uschia l’assicuranza.
Sco gia communitgà il mars, ha la SUVA registrà dapli accidents e malsognas per motivs professiunals il 2015. Creschids èn era ils custs da guariziun. Il dumber da novs cas da rentas d’invaliditad perencunter èn sa reducids. Per l'onn che vegn quinta l’assicuranza cun premias stabilas.
