L'institut svizzer d'assicuranza d'accidents ha sustegnì il 2018 las interpresas cun passa 1,2 milliuns francs. Quellas hajan reintegrà 78 persunas ch'avevan gì in accident – 45 da quellas en la branscha da construcziun e 22 persunas en l'industria e mastergn, communitgescha la Suva.
Il sistem per reintegrar persunas disgraziadas en il process da lavur ha la Suva lantschà il 2016. Dapi lura ha la Suva reintegrà cun success 188 persunas e pudì spargnar tut en tut 52 milliuns francs prestaziuns da renta.
Suva surpiglia paja fin 40'000 francs
Sche las premissas èn ademplidas po la Suva surpigliar custs da reintegraziun da fin 20'000 francs. Sche quella ha success e funcziuna, po la Suva er pajar in onurari supplementar da ulteriurs 20'000 francs a l'interpresa.
RR novitads 15:00