Las bleras sentenzias cunter giuvenils, numnadamain 7’944, hai dà il 2020 pervi d’in delict tenor il cudesch da dretg penal. Quai annunzia l’Uffizi federal da statistica. Augments marcants hai dà pervi da dispitas, greva blessura corporala, attatgas e rapina. In cler augment mussa la statistica era tar delicts sexuals.
Damain pervi da drogas
Sin plaz dus dal catalog da chastis da giuvenils suondan 4’825 sentenzias pervi dal consum da drogas. Quest dumber è dentant sa reducì per 18%.
Vitiers han ins dumbrà 3’829 delicts cunter las reglas dal traffic sin via, e 3’418 giadas è la lescha da transport vegnida violada.
Plazzà ordaifer la famiglia
1’060 giuvenils eran il 2020 plazzads separà da la famiglia. Da nov resguarda la statistica tut ils segiurns en in’instituziun u ina praschun.
379 d’els han stuì ir en arrest d’inquisiziun. Tar 409 giuvenils è il plazzament separà da la famiglia succedì sco mesira da protecziun durant in’inquisiziun, e tar 271 sin basa d’ina sentenzia.