A Schwyz pericliteschan pitschnas bovas ina chasa da vacanzas ed ina chasa da purs. Enfin sonda sajan radund 200 meters cubics material ruschnads en direcziun da questas chasas.
Tut en tut pudessan 5'000 enfin 10'000 meters cubics buglia glischnar giuadora, ha ditg il scrivant communal da Schwyz, Bruno Marty, a l'agentura da novitads sda.
Grazia a la naiv saja la situaziun dentant sa calmada in zic. Grond privel dettia quai era pli ensi en ina regiun da palì che saja bletscha tras e tras.
