Legenda:
maletg simbolic: Il Grischun p.ex. ha survegnì 148’000 francs da la Fundaziun svizra per la protecziun da la cuntrada.
Keystone
cuntegn
Svizra - 1,44 milliuns francs per proteger la cuntrada
La Fundaziun svizra per la protecziun da la cuntrada ha sustegnì il 2014 projects per radund 1,44 milliuns francs. En il Grischun hajan ins sustegnì projects en la summa da 148’000 francs, communitgescha la fundaziun.
Ils blers daners sajan ids en il chantun Tessin cun circa 1 milliuns francs. La Fundaziun svizra per la protecziun da la cuntrada sustegna en spezial projects che sa sprovan da mantegnair la cuntrada cultivada rural en regiuns periferas.
