Svizra - 11 dals 58 arrestads ston quintar cun ina denunzia penala
A Turitg ston 11 persunas quintar cun ina denunzia penala. Ad els vegn tranter auter rinfatschà violenza e smanatschas cunter policists, violaziun da la pasch publica e participaziun ad ina demonstraziun na uffiziala il prim da matg.
La polizia aveva arrestà ad interim 58 persunas, 8 persunas èn vegnidas surdadas a la Procura publica da Turitg e 3 a la Procura per giuvenils.
Da las 58 arrestadas persunas èn 13 domiciliadas en la citad da Turitg. La gronda part era ord d’auters chantuns. Quatter persunas èn oriundas ord la Germania.
