Legenda:
Cifras cotschnas per l'AVS -
l'onn 2015 resulta ina perdita da 559 milliuns francs.
Keystone
cuntegn
Svizra - 2015 – cifras cotschen stgiras tar l’AVS
L'assicuranza per vegls e survivents ha dà ora il 2015 579 milliuns francs dapli che quai ch’ella ha prendì en. Perquai ch’era il resultat d’investiziuns è negativ, resulta ina perdita da 559 milliuns francs. Qua ha communitgà il fond da cumpensaziun compenswiss.
La raschun per questa perdita sajan tant la situaziun difficila sin ils martgads d'aczias sco era l'aboliziun dal curs minimal da l'euro. Gia il 2014 aveva l’AVS dapli sortidas che entradas. Lura aveva il bun resultat als martgads dad aczias anc salvà il resultat final en las cifras nairas.
I n'è però betg l'emprima giada che l'AVS ha cifras cotschnas. Il 1998 per exempel aveva l'assicuranza sociala nudà ina perdita da passa 2,3 milliardas.
