En Svizra hai dà l'onn passà cleramain dapli grevs accidents da traffic. 241 persunas èn mortas il 2022 sin las vias svizras. Quai èn 41 dapli che l'onn avant, quai mussa la nova statistica da l'Uffizi federal per vias Astra.
Vitiers èn circa 4'000 persunas vegnidas blessadas grevamain. L'augment marcant saja cuntrari al trend da blers onns, cun cifras d'accident cun tendenza engiu, scriva l'uffizi federal. In'analisa pli profunda duai sclerir las raschuns. Emprims resultats duain esser avant maun l'atun.