Legenda:
En media europeica sa sentan il umens pli saun che las dunnas, quei cun 70,1% cunter 65,2%.
Pixabay
cuntegn
Svizra - 3 da 4 Svizzers sa sentan saun u fitg saun
Dapli che 77,7% dals Svizzers sa sentan sauns u fitg sauns. Entaifer l'Uniun europeica taxeschan mo duas naziuns lur sanadad anc in zic megliera. Quai tenor las datas da Eurostat.
A la testa da la rangaziun da sanadad èn ils Irlandais. 82,8% da la populaziun irlandaisa e 78,7% dals Cipriots han dà en da sa sentir saun u fitg saun. Sin il terz plaz è la Svizra cun 77,7%. Sin ils proxims pass suondan ils umans en la Norvegia, en ils Pajais Bass e en la Svezia. En media europeica sa sentan 67,5% da las persunas saunas.
Legenda:
En media europeica sa sentan il umens pli saun che las dunnas, quei cun 70,1% cunter 65,2%.
Pixabay
Il pli pauc saun sa senta la populaziun da la Lituania, Lettonia e dal Portugal. Be tranter 43 e 48% han inditgà da sa sentir saun u fitg saun. Correspundentamain han en quels pajais 16-17% valità lur stadi da sanadad sco schlet u fitg schlet.
