-
Bild 1 von 3. Ina antenna da 5G. Bildquelle: MAD.
-
Bild 2 von 3. Martin Röösli è manader da la partiziun d'ambient e sanadad a l'Institut da tropas e sanadad generala a Basilea. Bildquelle: MAD.
-
Bild 3 von 3. Manuel Murbach è mainaproject tar l'organisaziun senza profit «ITIS Foundation». L'organisaziun fa retschertgas en il caum electromagnetic. Bildquelle: MAD.
Il svilup da la tecnologia da las raits mobilas daventa adina pli svelt. L'emprima generaziun (1G) datti dapi il 1958. Quella ha anc funcziunà via ina transmissiun analoga da la vusch. Uss 61 onns pli tard sa prepara la Svizra sin la 5avla generaziun (5G). Quest onn vegnan gia las emprimas antennas installadas e fin l'onn 2020 vulan tscherts purschiders da raits mobilas avair connexiun cun las novas antennas en l'entir pajais.
Dapli prestaziun u ristga per la sanadad?
Ils purschiders fan reclama e decleran ch'i vegnia bain baud ad esser pussaivel da chargiar giu in film da kino aifer paucas secundas. Tut quai è dentant da giudair cun precauziun. L'organisaziun «ITIS Foundation» fa retschertgas en il caum electromagnetic. Manuel Murbach, mainaproject tar la «ITIS Foundation» declera ch'experiments scientifics hajan mussà, che ratuns exponids ad ina gronda radiaziun tras il telefonin, hajan in pli grond risico da survegnir cancer.
«I vegn survalità tge ch'è nov vid 5G»
D'ina autra opiniun è Martin Röösli. El è manader da la partiziun d'ambient e sanadad a l'Institut da las tropas e sanadad generala a Basilea. Cun las novas antennas da 5G saja pussaivel da furnir dapli datas cun pli pauc radiaziun. «I vegn survalità, tge ch'è nov vi da 5G», manegia Martin Röösli. El vesa dentant plitost il problem general da la radiaziun. Sper il 5G restan las ulteriuras raits numnadamain quellas da 4G, 3G e 2G vinavant activas.
RR actualitad 08:00