Legenda:
Il CEO dal concern da tecnologia ABB, Ulrich Spiesshofer tema da betg pudair recrutar avunda persunal qualifitgà.
Reuters
cuntegn
Svizra - ABB cun quitads da recrutar persunal
ABB dat lavur a 6’400 emploiads en Svizra, ina gronda part da quels èn forzas da lavur da l’exteriur. Uss tema il schef dal concern Ulrich Spiesshofer co che l’iniziativa d’immigraziun da massa vegn realisada.
Il CEO dal concern da tecnologia ABB Ulrich Spiesshofer fa quitads co che l'iniziativa d'immigraziun da massa vegn realisada en l'avegnir. Il concern ABB profiteschia da las bunas cundiziuns dal lieu da lavur en Svizra. Tar quellas cundiziuns tutgia era ch'ins possia recrutar persunal sin plaun internaziunal.
Quella internaziunalitad stoppia esser garantida e betg reducida, ha Spiesshofer ditg en la «Samstagsrundschau» da radio SRF.
