En Svizra èn ils tschains per abitaziuns novas puspè creschids il segund quartal. Quai suenter che quels eran anc sa reducids ils ultims quatter quartals. L'ultim quartal èn ils pretschs creschids per 1,4%. Sco quai che l'interpresa da cussegliaziun Fahrländer Partner (FPRE) communitgescha, èn ils pretschs creschids il pli fitg en la regiun da Basilea (+3,7%) e Tessin (+3,0%). Main ferm è il pretsch creschì a Turitg (+1,0%) ed il pli pauc en la regiun da las Alps (+0,7%).
Ils tschains per abitaziuns en chasas veglias èn però restads stabils.
La FPRE na quinta però betg che quai saja gia ina midada dal trend. Resugardond il martgà e las cundiziuns, lura saja quai probabel plitost in fenomen da curta durada. Per l'entir onn 2021 quintani en mintga cas che la situaziun restia sut il stritg stabila – sche betg tuttina ina reducziun dals pretschs.