Legenda:
La chemicalia liquida ha donnegià l'electronica da las portas automaticas dal bajetg dal SIG.
Keystone
cuntegn
Svizra - Accident da chemia datiers da Genevra
En la vischnanca Bellevue en la vischinanza da Genevra èn passa 1’500 liters acid idrologic (tudestg Salzsäure) culads ora. Ils pumpiers han evacuà per precauziun 2 bajetgs, quai cunzunt pervi dal grond tuffien.
Radund 30 pumpiers cun spezials vestgids da protecziun han pumpà davent l’acid. Tenor il manader dals pumpiers è l’acziun stada in success ed è vegnida terminada la sonda a las 08:00.
Bajetg donnegià, ma nagins blessads
Capità è l'incident tar in indriz dals manaschis industrials da Genevra SIG. Co l'accident ha pudì capitar n'è anc betg cler. Tenor las autoritads pudessi il liquid corrosiv avair chaschunà gronds donns al bajetg dal SIG. Blessads n’hai da nagins.
