Siglir tar il cuntegn

Header

Persuna nettegia la surfatscha d'ina rolla da metal.
Legenda: La Metco producescha materialias ed apparaturas per auzar la qualitad da surfatschas. Keystone
cuntegn

Svizra Acquisiziun d’interpresa lascha crescher svieuta da OC Oerlikon

Il concern da tecnologia OC Oerlikon po guardar enavos sin in onn maschadà. 2 da 4 spartas han patì da las cundiziuns da martgà difficilas.

Grazia a l'acquisiziun da l'interpresa Metco ha Oerlikon pudì augmentar la svieuta marcantamain, numnadamain per 90% sin 973 milliuns francs, communitgescha il concern.

Las venditas èn creschidas l’onn 2014 per 16% sin 3,2 milliardas francs, il gudogn dal concern è stagnà sin 202 milliuns francs.

Per l’onn current è OC Oerlikon levamain optimistic. L’interpresa quinta tant tar la svieuta sco era tar las empustaziuns cun in lev augment, sco OC Oerlikon scriva.

RR Novitads 08:00

Artitgels legids il pli savens

Scrollar a sanestra Scrollar a dretga