En Svizra sa derasa la grippa vinavant. Cunzunt poppins ed uffants fin 14 onns sajan pertutgads, quai mussan las novas cifras da l'Uffizi federal da la sanadad publica.
En general han adina dapli persunas la grippa, e quai da tuttas vegliadetgnas. L'emna tschintg dal chalender sajan passa 290 persunas sin 100'000 abitants s'infectads cun la grippa, scriva l'Uffizi federal per sanadad publica. Quest diember vegnia a crescher vinavant. Gia dapi duas emnas datti ina epidemia da grippa en Svizra.
Legenda:
La grippa sa derasa en tuttas regiuns cun excepziun dals chantuns Argovia, Basilea-Champagna, Basilea-Citad, Soloturn sco er en la Svizra centrala nua che las cifras da cas da grippa restan constantas.
Keystone
Tenor l'Uffizi federal da sanadad cuntegna la vaccinaziun da grippa ils dretgs anticorps cunter ils virus che sa derasan quest onn.
