Siglir tar il cuntegn
In um cun in apparat da fotografar en fegliom.
Legenda: Lubidas fissan sulet observaziuns en in lieu publicamain accessibel, u visibel davent d’in lieu generalmain accessibel. Keystone

Svizra Alain Berset: «I va per proteger las assicuranzas socialas»

Il Cussegl federal s'engascha per in gea als detectivs d'assicuranza. Il minister da l'intern Alain Berset ha preschentà ils arguments da la regenza per in gea – a la lescha davart las assicuranzas socialas che vegn votada ils 25 da november.

Ord vista dal Cussegl federal na vai betg memia lunsch ch'observaziuns zuppadas vegnan pussaivlas cun la nova lescha. Las assicuranzas socialas pussibiliteschian als carstgauns in viver en dignitad e segirtad finanziala. I saja l’obligaziun da las assicuranzas, da sclerir tgi che haja da bun ina renta da l'assicuranza d'invaliditad u d'accident.

Diever fiss limità

Il Cussegl federal conceda che l’observaziun zuppada muntia ina ferm’intervenziun en la sfera privata. Gist la nova lescha mettia dentant ferms terms, che duain evitar observaziuns betg necessarias, arbitraras u betg commensuradas. La finala dastgian observaziuns mo vegnir en dumonda sco la pli davosa mesira.

RR actualitad 11:00

Artitgels legids il pli savens