cuntegn
Svizra
-
Alloschi per requirents d'asil è brischà
A Kaltbrunn en il chantun Son Gagl hai brischà en in alloschi per requirents d'asil. Curt suenter mesanotg hai cumenzà a brischar. Tut las 14 persunas che sa chattavan en il bajetg hajan pudì bandunar quel senza blessuras scriva la polizia chantunala dal Son Gagl.
Il bajetg è destruì dal tut, la raschun dal fieu n'è betg enconuschenta. La polizia excluda dentan in attentat incendiar. Ils totalmain 21 abitants da la chasa vegnan provisoricamain sut tetg en in implant da protecziun civila.
Il donn total munta a plirs tschientmilli francs.
RR novitads 7:00
