Legenda:
La maioritad da la cumissiun giavischa da mantegnair la represchentanza svizra ad Asunciòn.
Reuters
cuntegn
Svizra - Ambassada svizra a Paraguay duai restar
La cumissiun dal Cussegl dals chantuns per la politica exteriura è cunter serrar l'ambassada svizra en il Paraguay. En quest senn era la cumissiun gia s'exprimida l'entschatta da l'emna.
La cumissiun dal Cussegl naziunal na vul però betg obligar il departament da l'exteriur da scursanir il budget per pudair mantegnair la rait diplomatica e consulara.
Il Cussegl federal aveva gia autorisà il 2011 da serrar la represchentanza svizra ad Asunciòn. Fin ussa n'è quai però betg stà il cas, cunquai ch'ils respargns ha pudì vegnir fatgs sin autras vias.
