Siglir tar il cuntegn

Header

cuntegn

Svizra Svizra anc sin glista grischa da l'UE

Ils ministers da finanzas da l'Uniun europeica han stritgà mardi ulteriurs pajais da la glista grischa per oasas da taglia: Andorra e San Marino. La Svizra percunter resta sin la glista grischa, uschia ch'il temp scada plaunsieu.

L'UE aveva introducì avant in onn ina glista naira ed ina grischa.

Quels sin la glista grischa avevan dà pled da far midadas tar lur praticas da taglia.

Il Cussegl federal leva realisar las refurmas empermessas cun la revisiun da la taglia sin interpresas, quella ha il suveran però refusà.

Cusseglier federal Ueli Maurer ha lura uschè spert sco pussaivel lantschà in nov project da votaziun ch'è vegnì collià dal parlament vid la revisiun da l'AVS. Tenor Cussegl federal vegn questa chaussa dentant pir en votaziun il matg dal 2019.

Ils ministers da finanzas da l'Uniun europeica vulan però gia decider il mars tgi che vegn stritgà definitivamain da la glista u tgi che vegn sin la glista naira. Pajais ch'èn sin la glista naira pudessan spetgar sancziuns da l'UE.

Tut tenor vegn spetgà sin il resultat da la votaziun e Svizra avant ch'i vegn decidì sin livel europeic.

RR novitads 17:00

Artitgels legids il pli savens