Legenda:
L'um da 45 onns n'è betg cumparì avant il Tribunal penal federal a Bellinzona, la sentenzia è succedia en sia absenza.
Keystone
cuntegn
Svizra - Anteriur collavuratur da l'UBS sto ir en praschun
In anteriur collavuratur da l'UBS sto ir per trais onns e quatter mais en praschun e pajar in chasti cundiziunà. Uschia ha il Tribunal penal federal sentenzià l’um da 45 onns.
La dretgira ha declerà culpaivel l'um da 45 onns perquai ch’el ha lavà daners tschufs e violà la lescha dad armas. Declerà nun-culpant è l’anteriur collavuratur da la UBS da la renfatscha dad avair violà il secret da banca.
Sentenzià en absenza
El aveva vendì datas da clients al Bundesland tudestg Nordrhein-Westfalen. La summa da delict munta a var 1,45 milliuns euros. I sa tracta dad almain 233 datas da clients. Il process e la pronunzia da la sentenzia è succedida en absenza dal sentenzià. El è stà absent senza sa perstgisar.
