Legenda:
Emploiads da bancas duain era profitar da las bunas fatschentas dal 2015: L'Associaziun dals emploiads da bancas svizra pretenda perquai augments da paja.
Keystone
cuntegn
Svizra - Associaziun pretenda dapli paja per emploiads da banca en Svizra
L’onn che vegn duain ils emploiads da banca en Svizra survegnir 1,5% dapli paja. Quai pretenda l’Associaziun svizra dals emploiads da banca.
La pretensiun d'in augment da 1,5% giustifitgescha l’Associaziun svizra dals emploiads da banca tranter auter cun l'inflaziun e las premias da cassa da malsauns. Las bancas possian era sa lubir da pajar in tal augment, communitgescha l'Associaziun dals emploiads da bancas. Lezzas hajan fatg buns resultats l’onn 2015. Da quai duain era ils emploiads da banca pudair profitar.
