Legenda:
Andrew Walo è dapi il favrer 2014 il schef dal concern. El restia anc fin la fin da l'onn en quest uffizi.
Keystone
cuntegn
Svizra - Axpo tschertga nov schef
Il concern d’energia Axpo sto tschertgar in nov schef. Andew Walo ch’occupa dapi var tschintg onns quest post, bandunia l’uffizi sin il pli tard la fin da quest onn. Quai ha communitgà la Axpo.
Sut la direcziun dad Andrew Walo ha la Axpo extendì ils davos onns il commerzi d’energia internaziunal e las fatschentas cun clients en divers pajais. Tenor la communicaziun venda la Axpo il mument quatter giadas dapli energia en l’Europa ed en ils Stadis Unids che en Svizra. Vitiers haja ella augmentà la producziun d’energias regenerablas, scriva la Axpo.