Svizra - Bakbasel curregia ensi la prognosa per l’economia
Dasper Economiesuisse ha mardi er l'Institut per la perscrutaziun da conjunctura Bakbasel adattà sia prognosa per il creschament da l'economia en Svizra.
Uschia duai il product naziunal brut anc crescher il 2015 per 1%, hai num en la communicaziun. La fin da schaner, pia curt suenter l'aboliziun dal curs minimal da l'euro, discurrivan ils economs a Basel anc d'ina reducziun da 0,2%. Decisiv per ina prognosa pli positiva saja dasper la svalitaziun dal franc succedida, er la fermezza dal dollar american.