Legenda:
Sin visita da cumià: Il secretari general da l'ONU Ban Ki-moon (san.) e sia dunna Nan Soo-taek (dretg) ed il president da la Confederaziun Johann Schneider-Ammann avant il 'Münster' a Berna.
Keystone
cuntegn
Svizra - Ban sin visita da cumià a Bern
Il secretari general partent da l'ONU Ban Ki-moon e sia consorta Ban Soon-taek èn stads a Berna tar lur visita da cumià. Il president da la Confederaziun, Johann N. Schneider-Ammann ha engrazià a Ban per ses engaschi e tematisà las relaziuns da la Svizra cun l'ONU.
Sia visita da cumià en Svizra fa oz il secretari general da l'ONU - Ban Ki Moon. E durant ina spassegiada tras las giassas da Berna ha il president da la Confederaziun, Cusseglier federal Johann N. Schneider-Ammann, engrazià a Ban per ses engaschi da 10 onns a la testa las Naziuns Unidas (ONU).
Schneider-Ammann haja sincerà che la Svizra veglia rinforzar Genevra sco in dals centers da las activitads da l'ONU, scriva il Departament federal per economia. Ban Ki-moon è fin la fin da l'onn secretari general da l'ONU - ses successur n'è anc betg elegì.
